轉瞬間又聖誕節，祝大家聖誕快樂！

轉載23/12/06 我既xanga 

「 話說本來我係返9-5，但昨日sister突然打電話黎同我講可唔可以返P，我緊係話無問題（儘管事實係一早約左人．．．），所以就返一點半，返去到唔知點解已經幾忙，一點半 routine 做到4半點先做完，當中送下case，換下片，上下奶，所以做黎做去都未做完，之後又去左tea，tea完出黎心諗又要take 下一轉bp，take完2個就見到個e-trolley唔係原位就知出事，緊係放低手頭工作幫miss，miss叫我帶face shield 幫patient bag 氣，這是我第一次真正參與e-trolley既行動，雖然patient唔使做CPR，唔係搓，而且anae tube完人 patient已經升返100 % O2, 但都學左好多野，而且之後抽NPF，插Ryles' & Foley 都係我一手做哂，儘管我可能做得好慢，但係真係好有成功感。而且就係呢段時間，病房內多了一班人，這就是一班義工來唱聖誕歌，送聖誕禮物和聖誕卡，原來聖誕節的醫院是這樣的，有一種無形溫暖籠罩著，祝大家聖誕快樂！」

呢一年過得真係快，今年係我係收症病房第二年聖誕，今年冇上年咁忙，其實唔知真係冇咁忙，定係已經做熟左，做野快左，又或者身份唔同左掛，仲之經驗係要累積，見得多，學得多，識得就更多，唔希望見到醫護界有青黃不接既現象（雖然某程度上，好大機會係事實），所以要不斷增值自己，保障病人和自己的健康。

最後祝大家聖誕快樂！Merry Christmas！